მოსკოვის ერთ-ერთი საავადმყოფოს მთავარ ექიმს, რომელსაც გასულ კვირას რუსეთის პრეზიდენტი, ვლადიმირ პუტინი შეხვდა, კორონავირუსი დაუდგინდა. იუწყება გამოცემა "ინტერფაქსი".
გამოცემის ინფორმაციით, "კომუნარკის" საავადმყოფოს 44 წლის მთავარ ექიმს, დენის პროცენკოს კორონავირუსი დაუდგინდა.
ერთი კვირის წინ, ვლადიმირ პუტინი "კომუნარკის" საავადმყოფოს ეწვია, რომელიც კორონავირუსით ინფიცირებული პაციენტებისთვის არის განკუთვნილი. ვიზიტისას პუტინი შეხვდა კლინიკის მთავარ ექიმს, პროცენკოს.
რუსული მედიის ინფორმაციით, კორონავირუსით ინფიცირებული ექიმი თავს კარგად გრძნობს.
რუსეთის პრეზიდენტის სპიკერი დმიტრი პესკოვი ირწმუნება, რომ პუტინს რეგულარულად უტარებენ კორონავირუსზე ტესტს და "მასთან ყველაფერი კარგადაა".
