უახლოეს დღეებში ამოქმედდება რუხის საავადმყოფო, რომელიც შეძლებს მოემსახუროს კორონავირუსით ინფიცირებულ ჩვენ მოქალაქეებს, - ამის შესახებ საქართველოს პრემიერ-მინისტრმა, გიორგი გახარიამ რუხში განაცხადა.
როგორც გიორგი გახარიამ აღნიშნა, საავადმყოფოში არის ასამდე ადგილი, ასევე იქნება საკარანტინო ადგილებიც.
"უახლოეს დღეებში ამოქმედდება ასამდე ადგილი, რომელიც შეძლებს, პოტენციურად მოემსახუროს კორონავირუსით ინფიცირებულ ჩვენს მოქალაქეებს. ასევე, ფუნქციური შესაძლებლობა იქნება საკარანტინო ზონების, რისი აუცილებლობა არსებობს. ახლა ჩვენთვის მთავარია, ეს ყველაფერი მაქსიმალურად სწრაფად ავამოქმედოთ. მოვუწოდებ ამ რეგიონის მკვიდრ მედიკოსებს, რომ სრული მობილიზება უნდა გამოვაცხადოთ. ახლა ჩვენ არ ვსაუბრობთ მხოლოდ დასავლეთ საქართველოზე, ჩვენ ვსაუბრობთ სრულიად საქართველოზე", - თქვა პრემიერ-მინისტრმა.
