საქართველოს პრეზიდენტი სალომე ზურაბიშვილი იტალიელ, ესპანელ, ბრიტანელ და ფრანგ ხალხს კორონავირუსთან ბრძოლაში თანადგომას უცხადებს.
სალომე ზურაბიშვილმა სპეციალური ვიდეომიმართვები "ტვიტერის" საშუალებით გაავრცელა.
"ამ ძალიან რთულ დროში თქვენთან ერთად ვართ შორეული საქართველოდან. მინდა ვუთხრა ჩვენს მეგობრებს, რომ აუცილებლად გადალახავთ ამ რთულ პერიოდს. თქვენ მასზე გაიმარჯვებთ. საქართველო თქვენთანაა!" - აღნიშნულია პრეზიდენტის მიერ "ტვიტერით" გავრცელებულ ვიდეომიმართვებში.