მსოფლიოში არსებული ეპიდვითარების გათვალისწინებით, საქართველოში კორონავირუსის შემთხვევების მატება მოსალოდნელია, - განაცხადა თბილისის ინფექციური საავადმყოფოს დირექტორმა, თენგიზ ცერცვაძემ.
მისი თქმით, მაშინ გამოჩნდება ჩვენი საპასუხე ღონისძიებები რამდენად ადეკვატური იქნება.
„თუ გავითვალისწინებთ მსოფლიოში ტენდენციას, რომ ევროპაში კატასტროფული სისწრაფით იზრდება, იტალია გადაცილდა ათი ათასს, საფრანგეთი, გერმანია, ესპანეთი – ორი ათასს, აშშ – ათასს, ჯანდაცვის მსოფლიო ორგანიზაციამ გამოაცხადა პანდემიად ის, რაც დე ფაქტოდ ჩვენ ისედაც ვიცოდით, დე იურე გამოაცხადა. ამ პირობებში, რა თქმა უნდა, ველოდებით მომატებას. აი, მაშინ გამოჩნდება ჩვენი საპასუხე ღონისძიებები რამდენად ადეკვატური იქნება. გვექნება რამდენმე ათეული, თუ რაღაც პერიოდის შემდეგ ერთი ორი ასეული შემთხვევა, თუ გვექნება ათასები, როგორც არის ევროპაში ყველაზე წამყვან, ცივილიზებულ, ძლიერ ქვეყნებში“ ,- აღნიშნა თენგიზ ცერცვაძემ.
ამ დროის მდგომარეობით, საქართველოში კორონავირუსის 25 შემთხვევაა დადასტურებული.
