"შეთანხმება არის მიღწეული 120/30-თან დაკავშირებით, ეს არის მოდელი, რომელზეც შედგა შეთანხმება თავისი დეტალებით და ნიუანსებით, "- ამის შესახებ პარტია "ქართული ოცნება - დემოკრატიული საქართველოს" აღმასრულებელმა მდივანმა ირაკლი კობახიძემ ოპოზიციასა და ხელისუფლებას შორის შეხვედრის შემდეგ გაანცხადა.
კობახიძის თქმით, კანონპროექტის ინიცირება ოთხშაბათამდე უნდა მოხდეს.
"რაც შეეხება პროცედურულ მხარეს, ოთხშაბათამდე გვაქვს ვადა, რომ დავაინიციროთ შესაბამისი კანონპროექტი, მანამდე მომზადდება და მოხდება მისი ინიცირება საქართველოს პარლამენტში. საქართველოში პოლიტპატიმრები არ არიან. მით უმეტეს, როცა საუბარია 48 მილიონის მოპარვაზე. ამ საკითხს ჩვენ პოლიტიკურ ჭრილში ვერ განვიხილავთ. ეს არის არასწორი ეპითეტი, რომელსაც იყენებენ”, - განაცხადა ირაკლი კობახიძემ.
