მაშინ უნდა შეგვეშინდეს, როდესაც აქ ქვეყანაში პირველი გადაცემიდან იქნება მეორე გადაცემა და მეორედან მესამე მერე, სიტუაცია იქნება უმართავი. მთავარია, პირველი და მეორე გადაცემები შევაკავოთ, ეს არის ჩვენი ამოცანა, - განაცხადა დაავადების კონტროლის ეროვნული ცენტრის დირექტორის მოადგილემ პაატა იმნაძემ გადაცემაში „პოლიტიკის ფორმულა“.
იმნაძის თქმით, ჯერჯერობით საქართველოში სიტუაცია კონტროლს ექვემდებარება.
„ჩვენ მაშინ უნდა შეგვეშინდეს, როდესაც აქ ქვეყანაში პირველი გადაცემიდან იქნება მეორე გადაცემა და მეორედან მესამე მერე, სიტუაცია იქნება უმართავი. მთავარია, პირველი და მეორე გადაცემები შევაკავოთ, ეს არის ჩვენი ამოცანა. მაქსიმალურად უნდა შევძლოთ, რომ გავაჩეროთ ეს გადაცემები. დიდ ქვეყნებში იპოვეს ადამიანები და არ იციან საიდან გადაეცათ მათ ეს ვირუსი, ვერ დაადგინეს კონტაქტი. ეს უკვე საშიშია, ჩინეთის გარდა, ამას ვერავინ გააკეთებს“, - განაცხადა იმნაძემ.
დაავადების კონტროლის ეროვნული ცენტრის ხელმძღვანელის ამირან გამყრელიძის ინფორმაციით, საქართველოში კორონავირუსის კიდევ ხუთი შემთხვევა დადასტურდა. ჯამში საქართველოში კორონავირუსით 9 ადამიანია დაინფიცირებული.
