პრეზიდენტის გამოსვლა პარლამენტში ამ დროსა და ამ ვითარებაში უფრო მეტ მნიშვნელობას იძენს, ვიდრე ეს იქნებოდა გასულ წელს, რადგან საარჩევნო წელია, - განაცხადა პარლამენტის დამოუკიდებელმა დეპუტატმა ეკა ბესელიამ პარლამენტში დღეს დაგეგმილ პრეზიდენტის გამოსვლასთან დაკავშირებით.
მისი თქმით, მას ასევე მოლოდინი აქვს, რომ პრეზიდენტი ისაუბრებს ქვეყანაში არსებულ პოლიტიკურად მწვავე პროცესებსა და გამოსავალზე.
„ბოლო პერიოდში ისევ მწვავედ დგას ქალთა ძალადობის და ქალის სიცოცხლის ხელყოფის ფაქტები. სად ხედავს ის თავის როლს და პრეზიდენტის მანდატს? რა შეიძლება გაკეთდეს? ვფიქრობ, უნდა შეეხოს ისეთ მწვავე თემებს, რომელიც დღეს ყველაზე პრობლემატურია ქვეყნისთვის. ეს არის პოლიტიკური ვითარება, საარჩევნო სიტემა, კომპრომისის აუცილებლობა, ძალადობრივი გარემო, 20 ივნისი. მოლოდინი მაქვს, რომ ამ ყველაფერზე უნდა ისაუბროს“, - განაცხადა ეკა ბესელიამ.
