ხვალ, 8 ოქტომბერს, 12.00 საათზე, „საქართველოს მცირე და საშუალო საწარმოთა ასოციაციის ოფისში" ახალი კანონპროექტის პრეზენტაცია გაიმართება. პრეზენტაციას დაესწრება „GSMEA"-ს პრეზიდენტი გიორგი ისაკაძე.
შეგახსენებთ, რომ "საქართველოს მცირე და საშუალო საწარმოთა ასოციაცია" ოფიციალურად 10 სექტემბერს დაფუძნდა. "საქართველოს მცირე და საშუალო საწარმოთა ასოციაციის" პრეზიდენტის გიორგი ისაკაძის განმარტებით, ასოციაცია კატალიზატორის ფუნქციას შეასრულებს, თავს მოუყრის იმ პრობლემებს, რომელიც დღეს საშუალო და მცირე ბიზნეს აწუხებს. ისაკაძე ფიქრობს, რომ დღემდე არსებულმა ბიზნესგაერთიანებებმა, რომელიც საშუალო ბზინესის დასახმარებლად იყვნენ ორიენტირებულნი თავისი ფუნქცია ვერ შასრულა.
"მსხვილმა ბიზნესებმა გადაწყვიტა, რომ ყურადღება საშუალო და მცირე ბიზნესსაც დაუთმოს და მათ პრობლემებსაც მიხედოს. მცირე და საშუალო ბიზნესი მნიშვნელოვანი ქვაკუთხედია ქვეყნის ეკონომიკური განვითარების. ქვეყანაში მცირე და საშუალო მეწარმოება განვითარება პრიორიტეტადაა გამოცხადებული. სერვისი ამ ასოციაციის არიას ძალიან დიდი და ფართო. ვიმედოვნებ რომ ეს იქნება საკმაოდ ძლიერი, და ყოველგვარი პოლიტიკური კონიუქტურის გარეშე ორგანიზაცია, რომელიც მიხედავს მცირე და საშულო ბიზნესი პრობლემებს საქართველოში"- განაცხადა "საქართველოს მცირე და საშუალო საწარმოთა ასოციაციის" პრეზიდენტმა გიორგი ისაკაძემ.
"საქართველოს მცირე და საშუალო საწარმოთა ასოციაციაში" წლის ბოლომდე 100 წევრის გაერთიანებას ელოდებიან, რომელებთანაც ასოციაციას მოლაპარაკებები უკვე აქვს.
"საქართველოს მცირე და საშუალო საწარმოთა ასოციაციაში" წევრობის საფასური დივერსიფიცირებულია და ის საშუალო ბიზნესისათვის წელიწადში ათას ლარს შეადგენს, ხოლო მცირე ბიზნესისათვის ეს თანხა 200 ლარიდან 250 ლარამდეა.
ასოციაცია, რომელიც მსხვილი ბიზნესგაერთიანებების ხელმძღვანელთა ინიციატივით შექმნა, მიზანად ისახავს მცირე და საშუალო ბიზნესის ინტერესების დაცვასა და ლობირებას. ასევე, ქვეყანაში ჯანსაღი კონკურენტული პირობების შექმნის ხელშეწყობას და მცირე და საშუალო ბიზნესსექტორის მხრიდან აქტიური კომუნიკაციის დამყარებას სახელისუფლებო სტრუქტურებთან, საფინანსო ინსტიტუტებთან და უშუალოდ საზოგადოებასთან. ასოციაციის დამფუძნებლები არიან "ამერიკის სავაჭრო პალატა საქართველოში" (AmCham), ხელმძღვანელი დევიდ ლი; "საქართველოს ბიზნეს ასოციაცია" (BAG), ხელმძღვანელი გიორგი ჭირაქაძე; "ევროკავშირი-საქართველოს ბიზნეს საბჭო" (EUGBC), ხელმძღვანელი კონსტანტინე ზალდასტანიშვილი; "საერთაშორისო სავაჭრო პალატის ეროვნული კომიტეტი" (ICC), ხელმძღვანელი ფადი ასლი და "საქართველოს ბიზნეს ასოციაციის" პირველი ვიცე-პრეზიდენტი გიორგი ისაკაძე.
მისამართი: დ.გამრეკელის #19, მე-3 სართული, ოფისი#311 (ყოფილი კუტუზოვის ქუჩა)