ოთხი კონგრესმენის განცხადებებშიც ფაქტობრივი უზუსტობები იყო, ამას სჭირდება გამოსწორება და ჩვენ კონგრესმენებთან ერთად ამას ნამდვილად გამოვასწორებთ, - განაცხადა საპარლამენტო უმრავლესობის წევრმა, რაიკლი კობახიძემ.
მისი თქმით, მმართველი გუნდი კონგრესმენებთან მუშაობას გააგრძელებს, მათ ზუსტ ინფორმაციას მიაწვდის.
„მე არავითარ შემთხვევაში არ ვამბობ, რომ კონკრეტული კონგრესმენები შეგნებულად აკეთებენ „ნაციონალური მოძრაობის“ მხარდამჭერ განცხადებებს, უბრალოდ არის განცხადებები, რომლებიც ხელს აძლევს „ნაციონალურ მოძრაობას“ და ეფუძნება არასწორ ინფორმაციას. ამ ოთხი კონგრესმენის განცხადებებშიც ფაქტობრივი უზუსტობები იყო, ამას სჭირდება გამოსწორება და ჩვენ კონგრესმენებთან ერთად ამას ნამდვილად გამოვასწორებთ, რადგან საბოლოო ჯამში სიმართლე აუცილებლად გაიმარჯვებს, ის არასწორი ფაქტები, რაც მოყვანილი იყო განცხადებაში, აუცილებლად გასწორდება“, – განაცხადა ირაკლი კობახიძემ.
