თურქეთის საგარეო საქმეთა მინისტრი მევლეთ ჩავუშოღლუ ნატო-ს საქართველოს ალიანსში გაწევრიანებისკენ მოუწოდებს. ამის შესახებ ჩავუშოღლუმ დავოსში, მსოფლიო ეკონომიკურ ფორუმზე განაცხადა.
"მე არ მესმის რატომ არ არის საქართველო ამ დრომდე მოწვეული, ან რატომ არ არის წევრობის სამოქმედო გეგმა", - განაცხადა მევლეთ ჩავუშოღლუმ დავოსში, ფორუმის ერთ-ერთ პანელზე.
"ჩვენ გვაკრიტიკებენ იმის გამო, რომ რუსეთთან შედარებით უკეთესი ურთიერთობა გვაქვს, მაგრამ ჩვენი დასავლელი მეგობრები არ არიან შეთანხმებულნი, რომ მოიწვიონ საქართველო, რადგან მათ არ სურთ რუსეთის პროვოცირება.
მაგრამ ჩვენ ვჭირდებით საქართველოს და ჩვენ გვჭირდება ისეთი მოკავშირე, როგორიც საქართველოა. ასე რომ, ჩვენ გვჭირდება გაფართოება და საქართველო უნდა გახდეს წევრი", - დასძინა თურქეთის საგარეო საქმეთა მინისტრმა.
მანამდე მევლეთ ჩავუშოღლუმ გერმანულენოვან გამოცემა Bild-თან ინტერვიუში განაცხადა, რომ თურქეთი მუდამ მხარს უჭერს საქართველოს ნატო-ში გაწევრიანებას, მაგრამ საფრანგეთი და გერმანია ამ ნაბიჯის გადადგმას, რუსეთის შიშით ვერ ბედავენ.
