თეირანის მახლობლად, უკრაინის საერთაშორისო ავიახაზების კუთვნილი თვითმფრინავის ჩამოგდების საქმეზე რამდენიმ ბრალდებული დააკავეს. იუწყება Deutsche Welle ირანის უზენაესი სასამართლოს წარმომადგენლის, გოლიამ ჰოსეინ ისმაილის განცხადებაზე დაყრდნობით.
მისივე თქმით, უკრაინული ავიალაინერის კატასტროფის გამოძიება საწყის ეტაპზე. სხვა დეტალები არ დაუსახელებია.
"უკრაინის საერთაშორისო ავიახაზების" კუთვნილი სამგზავრო თვითმფრინავი Boeing 737, რომელიც თეირანიდან კიევს 8 იანვარს მიემგზავრებოდა, თეირანში, იმამ ხომეინის საერთაშორისო აეროპორტიდან აფრენიდან 2 წუთში ჩამოვარდა.
თვითმფრინავში 167 მგზავრი და ეკიპაჟის 9 წევრი იმყოფებოდა. ყველა მათგანი დაიღუპა. მათ შორის იყვნენ უკრაინის, ირანის, ავღანეთის, კანადის, დიდი ბრიტანეთის, გერმანიისა და შვედეთის მოქალაქეები.
11 იანვარს, გამთენიისას, ირანის შეიარაღებული ძალების გენერალურმა შტაბმა აღიარა თვითმფრინავის ჩამოგდება და ამას ადამიანური შეცდომა უწოდა.