გულწრფელად გეტყვით, რომ არ არის ჩემთვის ამგვარი ანგარიშებისა და ტროლების შესახებ ცნობილი, - განაცხადა იუსტიციის მინისტრმა, თეა წულუკიანმა ტელეკომპანია „პირველთან“ ინტერვიუში.
მისი თქმით, მისთვის ცნობილია, ის რომ fake ანგარიშები ბოლო 7 წლის მანძილზე მიზანმიმართულად ეწეოდნენ იუსტიციის სამინისტროს საქმიანობის დისკრედიტაციას.
„ალბათ, არ უნდა გაგვიკვირდეს, რომ იმ უსაზღვრო თავისუფლების ფარგლებში, რომელიც საქართველოშია და ეს არის ძალიან მისასალმებელი და კარგი, სოციალურ ქსელს ყველა, იქნება ეს ინდივიდი თუ რომელიმე ორგანიზაცია თუ პოლიტიკური პარტია იყენებდეს იმისთვის, რომ საკუთარი არგუმენტები გააცნოს საზოგადოებას. კარგია, რომ facebook-ი ამაზე მუშაობს და, ალბათ, მომავალშიც დასჭირდება, არა მარტო საქართველოში, არამედ ამერიკის შეერთებულ შტატებშიც და სხვა ქვეყნებშიც”, - თქვა წულუკიანმა.
