ნორვეგიის საგარეო საქმეთა სამინისტრო ეხმიანება საოკუპაციო რეჟიმის მიერ ქართველი ექიმის ვაჟა გაფრინდაშვილის უკანონო პატიმრობაში დატოვებას და განცხადებას ავრცელებს.
"ნორვეგია მოგიწოდებთ, გაათავისუფლოთ ქართველი ექიმი ვაჟა გაფრინდაშვილი უკანონო პატიმრობიდან. გარდა ამისა, ნორვეგია სრულად იზიარებს ევროკავშირის საგარეო ქმედებათა სამსახურის მიერ გავრცელებული განცხადების სულისკვეთებას", - აღნიშნულია ნორვეგიის საგარეო უწყების განცხადებაში.
"განვითარებული მოვლენების ფონზე კიდევ ერთხელ გამოვთქვამთ მოლოდინს, რომ მთავრობა, რომელიც ცხინვალს აკონტროლებს, დაუყოვნებლივ გაათავისუფლებს გაფრინდაშვილს და მისცემს მას ოჯახში დაბრუნების უფლებას", - ნათქვამია ევროკავშირის საგარეო საქმეთა სამსახურის სპეციალურ განცხადებაში.
შეგახსენებთ, 20 დეკემბერს, ცხინვალის საოკუპაციო რეჟიმის სასამართლომ ექიმ ვაჟა გაფრინდაშვილს 1 წლითა და 9 თვით პატიმრობა მიუსაჯა.
