საქართველოს ეროვნული ბანკი 1995 წლიდან პერიოდულად, სხვადასხვა ღირსშესანიშნავ მოვლენასთან დაკავშირებით, საკოლქციო მონეტებს უშვებს.
ეს მონეტები, რომლებიც განსაკუთრებით კოლექციონერთა ყურადღებას იპყრობს, ყველა დაინტერესებული პირისთვის შესაძენად ხელმისაწვდომია. თუმცა ტირაჟი შეზღუდულია.
დღემდე ეროვნულმა ბანკმა დაახლოებით 17 საკოლექციო ვერცხლისა თუ ოქროს მონეტა მოჭრა.
საკოლექციო მონეტები ძირითადად, ესპანეთის სამეფო ზარაფხანასა და ლიეტუვისა და პოლონეთის ზარაფხანებში იჭრება.
საქართველოს პირველი დემოკრატიული რესპუბლიკის დაარსებიდან 100 წლის იუბილესადმი მიძღვნილი 10 ლარის ნომინალის ვერცხლის საკოლექციო მონეტა
ივანე ჯავახიშვილის სახელობის თბილისის სახელმწიფო უნივერსიტეტის 100 წლის საიუბილეო თარიღისადმი მიძღვნილი საკოლექციო მონეტა
ქალაქ ბორდოში მდებარე ღვინის ცივილიზაციის მუზეუმში ქართული ღვინის გამოფენისადმი მიძღვნილი საკოლექციო მონეტა
2018 წელს საქართველო ფრანკფურტის წიგნის საერთაშორისო ბაზრობის საპატიო სტუმარი ქვეყანა იყო. ამ მოვლენის აღსანიშნავად, საქართველოს ეროვნულმა ბანკმა 5 ლარის ნომინალის ვერცხლის საკოლექციო მონეტა - "ქართული წიგნი" გამოუშვა
კომპოზიცია ეფუძნება გელათის ოთხთავის (XII საუკუნე) ერთ-ერთ მინიატურას, სადაც ლუკა მახარებელია გამოსახული. სივრცის მარჯვენა ნაწილი ქართული ხელნაწერი წიგნის ნუსხური ტექსტის სტილიზებულ ფრაგმენტს უკავია, რომლის პირველი, საზედაო ასო წითელი და ლურჯი ფერებითაა გაფორმებული.
პირველი ქართული ეროვნული საფოსტო მარკის გამოშვების 100 წლის საიუბილეო თარიღისადმი მიძღვნილი ვერცხლის საკოლექციო მონეტა
ევროპის საბჭოს დაარსების 70 წლის იუბილესა და საქართველოს ევროპის საბჭოში გაწევრიანების 20 წლის იუბილესადმი მიძღვნილი საკოლექციო მონეტა
მონეტის ავერსის მარჯვენა მხარეს გამოსახულია ევროპის საბჭოს 70 წლის საიუბილეო თარიღის აღმნიშვნელი ლოგო, მონეტის მარცხენა მხარეს განთავსებულია ქართულ და ინგლისურ ენებზე წარწერები: "ჩვენი უფლებები, ჩვენი თავისუფლებები, ჩვენი ევროპა" - "Our Rights, Our Freedoms, Our Europe".
რევერსის მარჯვენა მხარეს დატანილია საქართველოს რუკა და წარწერები ქართულ და ინგლისურ ენებზე: "მე ვარ ქართველი და, მაშასადამე, ვარ ევროპელი", "I am Georgian, and therefore I am European".
საქართველოს სახელმწიფო ბანკის 100 წლის იუბილესადმი მიძღვნილი საკოლექციო მონეტა
სრული ინფორმაცია საკოლექციო მონეტების შესახებ იხილეთ ბმულზე
