მოძრაობა 20/30-იანელი საგანგებო მოწოდებას ავრცელებენ, რომელშიც ნათქვამია, რომ სალომე ზურაბიშვილი არჩილ თალაკვაძემ შეცვალოს.
„რადგანაც ორივე, პრეზიდენტიც და პარლამეტის თავმჯდომარეც, ბატონი ბიძინას შერჩეული და აღსაყდრებულია და სამწუხაროდ, პრეზიდენტი ვერ ასრულებს თავის მოვალეობებს. პირიქით, ჩირქს სცხებს ბატონი ბიძინას სახელს, ჩვენ, 20/30-იანელები მოვითხოვთ უარესის, უკეთესით ჩანაცვლებას. მარტივად რომ ვთქვათ, ჩვენი მოწოდება ასეთია: ჩავანაცვლოთ სალომე არჩილით!“, - ნათქვამია საგანგები მოწოდებაში.
მოწოდებაში საუბარია იმაზე, რომ ბიძინა ივანიშვილს დიდი გარჯა დასჭირდა და ბევრი კრიტიკის ატანა მოუწია ბატონ ბიძინას, რათა ქვეყანას ზეპარტიული პრეზიდენტი ჰყოლოდა.
„არაფერს ვამბობთ იმ უზარმაზარ ფინანსურ დანახარჯზე, რომელიც ქველმოქმედმა გასწია, იმისთვის, რომ ქვეყანას ნამდვილი ევროპელი პრეზიდენტი ჰყოლოდა“, - წერია მოწოდებაში და აღნიშნულია, რომ . „ ბატონმა ბიძინამ ეს გააკეთა სრულიად უანგაროდ, ქვეყნის სიყვარულით“.
„თუმცა, არჩევის მერე, პრეზიდენტი თითქოს გაგიჟდა, გაგვიფუჭა ურთიერთობა მეზობელ სახელმწიფოსთან, რის გამოც, ქართველ მორწმუნეებს აეკრძალათ დავით გარეჯის მონასტერში ლოცვა, შეიწყალა მკვლელები და ძებნაში მყოფი კრიმინალები.
ამას გარდა, ქალბატონი პრეზიდენტი, ყოველდღიურად არცხვენს ბიძინა ივანიშვილს, თავისი არაადეკვატური ქცევებით, რომელიც ხან რუსეთიდან მილიონობით ლარის ღირებულების ძველმოდური ავეჯის შეძენაში, ხოლო ხან მედიის, ან საერთოდაც ქართული ჯარის შეურაცხყოფაში გამოიხატება”, - წერია მოწოდებაში და აღნიშულია, რომ ასე გაგრძელება დაუშვებელია.
„ჩვენ 20/30 -იანელები ვთვლით, რომ ქალბატონი სალომე, გაპრეზიდენტებამდე ასეთი არ იყო, ამიტომ, ბატონი ბიძინასთვის შეუძლებელი იქნებოდა იმის პროგნოზირება, რომ პრეზიდენტის ტახტი მას ასეთ მდგომარეობამდე მიიყვანდა.
თუმცა, უნდა ვაღიაროთ, რომ პრეზიდენტების შერჩევა ბიძინა ივანიშვილის ძლიერი მხარე არ არის და როგორც გულწრფელი და ღია ადამიანი, ბატონი ბიძინა ამას თვითონაც აღიარებს.
სამაგიეროდ, ბატონი ბიძინა შესანიშნავად არჩევს პარლამენტის თავმჯდომარეებს (იხ. მოქმედი და წინა პარლამენტის თავმჯდომარეები), რომელთა ნაბოძები კონსტიტუციის (მუხლი 51) შესაბამისადაც პრეზიდენტის მიერ უფლებამოსილების განხორციელების შეუძლებლობის შემთხვევაში, მის მოვალეობას ასრულებს პარლამენტის თავმჯდომარე.
რადგანაც ორივე, პრეზიდენტიც და პარლამეტის თავმჯდომარეც, ბატონი ბიძინას შერჩეული და აღსაყდრებულია და სამწუხაროდ, პრეზიდენტი ვერ ასრულებს თავის მოვალეობებს. პირიქით, ჩირქს სცხებს ბატონი ბიძინას სახელს, ჩვენ, 20/30-იანელები მოვითხოვთ უარესის, უკეთესით ჩანაცვლებას. მარტივად რომ ვთქვათ, ჩვენი მოწოდება ასეთია: ჩავანაცვლოთ სალომე არჩილით!“,- წერია მოწოდებაში.