ვეტერანი მფრინავები ეკონომიკის მინისტრს, ნათელა თურნავას ტყუილში ადანაშაულებენ და მის წინააღმდეგ სარჩელის შეტანას აპირებენ, - აცხადებსპოლიტიკური პარტია „ტრიბუნას“ ლიდერი დავით ჭიჭინაძე.
მისი თქმით, როგორც ჩანს, მას იმდენი და ისეთი სერიოზული დანაშაული აქვს ჩადენილი, რომ საკუთარი ხელმოწერილი დოკუმენტიც კი აღარ ახსოვს, ან, არ აწყობს რომ ახსოვდეს.
„საქმე მოტყუებულ ვეტერან მფრინავებს და ავიატორებს ეხება. ისინი თურნავას ტყილში ადანაშაულებენ და მის წინააღმდეგ სარჩელის შეტანას აპირებენ. ნათია თურნავამ, 15 წლის წინ, როდესაც ეკონომიკის მინისტრის მოადგილე იყო, თბილისის აეროპორტის აქციები ისე გადასცა ინვესტორებს, რომ მფრინავებისთვის და ავიატორებისთვის არათუ აქციების შეძენის უფლება, კონპენსაციაც კი არ მიუციათ. რის შედეგადაც ქვეყანა, ყოველწლიურად 400 მილიონს კარგავს, ვეტერანი მფრინავების ნაწილი კი მხოლიდ 22-ლარიან კონპენსაციაზე ცხოვრობს“, - ამბობს ჭიჭინაძე და აღნიშნავს, რომ თურნავას უწყების განცხადებით, თურმე „ ნათია თურნავას არანაირი მონაწილეობა არ მიუღია თბილისის აეროპორტის კერძო ინვესტორისთვის გადაცემის პროცესში, რომელიც 2005 წელს განხორციელდა. მეტიც, ის ამ დროს, საერთოდ არ მუშაობდა ეკონომიკის სამინისტროში.“
„საქართველოს მფრინავთა ასოციაციის წევრებს კი, სხვა უამრავ საბუთთან ერთად, სწორედ ის წერილი აქვთ, რომელიც 2005 წლითაა დათარიღებული, რომელსაც პირადად ეკონომიკის მინისტრის მოადგილე, ნათაი თურნავა აწერს ხელს და სადაც წერია, რომ:
„სს „თბილისის აეროპორტის“ აქციათა პაკეტის გამოტანილი იქნება საპრივატიზაციოდ და პროცესში მონაწილეობის მიღება ნებისმიერ დაინტერესებულ პირს, მათ შორის ავიატორებსც შეეძლებათ.“ ასე რომ, როგორც ჩანს, მინისტრ თურნავას ახალი, კიდევ უფრო „სერიოზული" გეგმები აქვს სამომაავლოდ დაგეგმილი და იმიტომაც განიხილავს ამ საქმეს როგორც „არასერიოზულს“. თუმცა ჩვენ, მინისტრ თურნავას, სასამართლოში, სერიოზული განხილვას ვპირდებით”, - ამბობს ჭიჭინაძე.
