Glovo ბარსელონაში წამოწყებული სტარტაპია, რომელმაც ფუნქციონირება 2015 წელს დაიწყო და მას შემდეგ საზღვრები 67 ქალაქითა (მათ შორის, მადრიდი, კაირო, სტამბოლი, საუ-პაულუ) და 20 ქვეყნით გააფართოვა და 3 კონტინენტი (ევროპა, აფრიკა და ცენტრალური და სამხრეთ ამერიკა) მოიცვა.
მისი გამოყენებით მსოფლიოში 70 მილიონზე მეტი შეკვეთაა მიტანილი, მომსახურების საშუალო დრო კი 45 წუთზე ნაკლებია.
საქართველოში Glovo-მ ფუნქციონირება 2018 წლის ოქტომბერში დაიწყო და თბილისის გარდა აპლიკაციით სარგებლობა უკვე რუსთავში, ქუთაისსა და ბათუმშიც შეგიძლიათ.
" - გამარჯობა, გლოვო გისმენთ" - თუ ამ სიტყვების მოსმენას ალბათ ყველაზე მეტად ნატრობთ, როცა შეკვეთის შეცვლა, მისამართის დაკორექტირება, თანხის დაბრუნება ან სხვა პრობლემის მოგვარება გსურთ, თქვენთვის ძალიან კარგი ამბავი გვაქვს: Glovo-ს მომხმარებლებზე ზრუნვის განყოფილებამ ივლისიდან სატესტო რეჟიმში დაიწყო მუშაობა და თქვენი ყველა უკმაყოფილების, გარკვევლობისა თუ უბრალოდ კითხვის დაკმაყოფილებას შეეცდება.
მომხმარებელთა ზრუნვის განყოფილებაში ამჟამად 80-მდე ადამიანია დასაქმებული და კადრების აყვანა კიდევ გრძელდება. შერჩეულმა კანდიდატებმა 2-კვირიანი ინტენსიური ტრენინგები გაიარეს, რომლებსაც Glovo-ს სათაო ოფისიდან, ბარსელონადან ჩამოსული პროფესიონალები ხელმძღვანელობდნენ.
ლაივ ოპერაციების დეპარტამენტში გაერთიანებულია:
♦ კლიენტების, პარტნიორების და კურიერების მომსახურების სპეციალისტები, რომლებიც უზრუნველყოფენ თითოეული შეკვეთის შეუფერხებლად მიწოდებას.
♦ ხარისხის მართვის სამსახური, რომლის მიზანია, შეამოწმოს და გააკონტროლოს სპეციალისტების ყველა კომუნიკაცია და შემდგომ ტრენერთან ერთად გადაამზადოს აგენტები/სპეციალისტები საჭიროების მიხედვით.
ლაივ ოპერაციების დეპარტამენტის უფროსი, თათი ქირია, 3 ძირითადი პრობლემის შესახებ გვიყვება, რომლებსაც ყველაზე ხშირად აწყდებიან მომხმარებლები Glovo-თი სარგებლობისას:
1. ბარათით გადახდისას, ჯერ ბარათის ავტორიზაციის მიზნით, თანხის რეზერვაცია ხდება და შემდგომ თანხის ჩამოჭრა, ბოლოს კი რეზერვაციის თანხა უკან ბრუნდება. ხშირ შემთხვევაში, ბოლო ტრანზაქციის სმს შეტყობინება აგვიანებს, ან თანხას ბლოკი რამდენიმე დღეში ეხსნება და ამიტომაც ხდება გაუგებრობა.
2. შემდეგი დიდი პრობლემაა, რომ ხშირად მომხმარებლები არასწორ მისამართს უთითებენ, შემდეგ კი შეცვლა სურთ. ამის გადასაჭრელად მომხმარებელმა აუცილებლად უნდა მოიწეროს ჩათში რაც შეიძლება მალე, რადგან მოხდეს შეკვეთის შესაბამისად დაკორექტირება.
3. ასევე ხშირია, როცა მომხმარებელს სურს შეკვეთის ცვლილება. ამისათვისაც საჭიროა, რომ მალევე მოხდეს ჩათში მოწერა, რომ მოესწროს პარტნიორის გაფრთხილება, სანამ შეკვეთის დამზადებას დაიწყებს.
მომხმარებელზე ზრუნვის განყოფილების აგენტები მაქსიმალურად ცდილობენ ყველა ასეთ შემთხვევაზე დროული რეაგირება მოახდინონ და მომხმარებლისთვის სასიკეთოდ გადაწყვიტონ პრობლემა.
Glovo-ს ხარისხის კონტროლის უფროსი ნინო იარაჯული აღნიშნავს, რომ ყველა ჩეთი, ზარი თუ მეილი, ნებისმიერი კომუნიკაცია, რომელსაც აგენტები ახორციელებენ, მოწმდება სხვადასხვა კრიტერიუმებით: რამდენად სწრაფად მოხდა რეაგირება, როგორ ესაუბრა მომხმარებელს და ასევე როგორ მოხდა პრობლემის აღმოფხვრა. ხარვეზის აღმოჩენის შემთხვევაში აგენტები ტრენინგს თავიდან გადიან.
" - ჩვენთვის მნიშვნელოვანია, რომ ეს ტექნოლოგიური მარკეტი, რომელიც მომხმარებლებს საშუალებას აძლევს, ქალაქის მასშტაბით შეუკვეთონ, მიიღონ და გაგზავნონ ნებისმიერი პროდუქტი, ყოველგვარი ხარვეზის გარეშე მუშაობდეს და მომხმარებლის ყველა ურთიერთობა Glovo-სთან კომფორტული და სასიამოვნო გამოცდილება იყოს."
