ხვალ, 3 სექტემბერს, 09:00 საათზე პოლიტიკური გაერთიანება „ქართული ოცნება - დემოკრატიული საქართველოს“ ცენტრალურ ოფისში პოლიტიკური საბჭოს სხდომა გაიმართება.
პარტიის პრესამსახურის ინფორმაციით, სხდომას პარტიის თავმჯდომარე ბიძინა ივანიშვილი უხელმძღვანელებს.
პოლიტსაბჭოს დასრულების შემდეგ უმრავლესობის სხდომა გაიმართება.
სხდომაზე პრემიერ-მინისტრის ახალ კანდიდატურასა და სამთავრობო ცვლილებებზე იმსჯელებენ. მამუკა ბახტაძემ დღეს განცხადა, რომ ის თანამდებობას ტოვებს. განცხადებაში, რომელიც მამუკა ბახტაძემ სოციალური ქსელით გაავრცელა, ეწერა, რომ მან ამ ეტაპისთვის თავისი მისია შეასრულა.
"2018 წელს საქართველოს პრემიერ-მინისტრის პოსტზე ჩემი წარდგენის მიზანი და მთავარი მანდატი იყო სწორედ ქვეყნის განვითარების სტრატეგიული ჩარჩოს შექმნა და დანერგვა, რომელიც შემდგომი წლების განმავლობაში უზრუნველყოფდა ჩვენი სახელმწიფოებრივი მიზნების მიღწევას, გახდებოდა ქვეყნის განვითარების სახელმძღვანელო. განვითარების სტრატეგიული ჩარჩო შექმნილია, დანერგილია და შესაბამისად, მივიღე გადაწყვეტილება თანამდებობის დატოვების შესახებ, რადგან ვთვლი, რომ ჩემი მისია ამ ეტაპისათვის შევასრულე“, - ნათქვამია განცხადებაში.
