საფრანგეთი მზადაა მეტი ინვეტიცია განახორციელოს საქართველოში - განაცხადა საფრანგეთის ეკონომიკისა და ფინანსთა მინისტრმა ბრუნო ლე მერმა საქართველოს პრეზიდენტ სალომე ზურაბიშვილთან შეხვედრისას. ინფორმაციას პრეზიდენტის ადმინისტრაცია ავრცელებს.
პარიზში ვიზიტის ფარგლებში, საქართველოს პრეზიდენტი საფრანგეთის ეკონომიკისა და ფინანსთა მინისტრს ბრუნო ლე მერს შეხვდა.
მხარეებმა საქართველოსა და საფრანგეთს შორის არსებული ეკონომიკური და სავაჭრო ურთიერთობები განიხილეს. საუბარი შეეხო ბიზნეს-კავშირების გაძლიერებას და ინვესტიციების წახალისებას.
შეხვედრისას აღინიშნა, რომ ძალიან მნიშვნელოვანია მეტი ფრანგული ინვესტიცია განხორციელდეს და მეტი ფრანგი ტურისტი ეწვიოს საქართველოს. როგორც ბრუნო ლე მერმა განაცხადა, ის მოუთმენლად ელოდება საქართველოში პირველ ვიზიტს:
"მქონდა პატივი მემასპინძლა საქართველოს პრეზიდენტისთვის სალომე ზურაბიშვილისთვის, რომელიც ძალიან კარგი მეგობარია. ჩვენ ბევრი ვისაუბრეთ საქართველოს ეკონომიკურ განვითარებაზე. მე გადავეცი პრეზიდენტს, რომ საფრანგეთი მზადაა მეტი ინვეტიცია განახორციელოს საქართველოში. ვფიქრობ, რომ უნდა გავაძლიეროთ ეკონომიკური თანამშრომლობა . ჩვენ გვაქვს ბევრი პროექტი მაგალითად ტურიზმში. მე ვფიქრობ, რომ მხოლოდ ტურიზმზე არ უნდა არ უნდა გავაკეთოთ აქცენტი, მიუხედავად იმისა, რომ ეს მნიშვნელოვანია საქართველოსთვის. ჩვენ უნდა ვიმუშაოთ ტრასპორტის მიმართულებით, ქალაქის განვითარებაზე, გარემოზე. მე ვფიქრობ, რომ ორ ქვეყანას შორის არის სივრცე ურთიერთობების გასაღრმავებლად. ჩვენ გვქონდა ძალიან კონტრუქციული და საინტერესო საუბარი. მე მოუთმენლად ველოდები საქართველოში ვიზიტს ურთიერთობების გასაძლიერებლად."- განაცხადა საფრანგეთის ეკონომიკის მინისტრმა
