სახეზე გვყავს 4 პოლიტპატიმარი, - განაცხადა „ლეიბორისტული პარტიის“ ლიდერმა, შალვა ნათელაშვილი ანტისაოკუპაციო აქციის მონაწილეების დაკავებაზე.
მისი თქმით, ახალგაზრდები უკანონოდ არიან დაპატიმრებულები. მათ გასათავისუფლებლად ნათელაშვილი საერთაშორისო საზოგადოებისგან სოლიდარობას ითხოვს.
„ხელისუფლებამ ჯერ კიდევ ვერ გააცნობიერა, რომ ის 20 ივნისის ღამეს ქართველმა ხალხმა დაამთავრა და გადავიდა მოსკოვის დავალებით რეპრესიებზე. სახეზე გვყავს უკვე 4 პოლიტიკური პატიმარი. ჩვენ მივმართეთ მსოფლიო დემოკრატიულ საზოგადოებას, ყველა საერთაშორისო ორგანიზაციას, გამოგვიცხადონ სოლიდარობა, რათა ოთხივე ახალგაზრდა სასწრაფოდ იქნას გათავისუფლებული იქიდან, სადაც იმყოფებიან უკანონოდ. ეს ზეპოლიტიკური მოტივაციაა. არც ერთ ხალგაზრდას იქ პოლიტიკური დანაშაული არ ჩაუდენია და არც არანაირი დანაშაული“, - განაცხადა შალვა ნათელაშვილმა.
