პარლამენტის წინ მიმდინარე აქციაზე სანდრა რულოვსი მივიდა. რულოვსი ამბობს, რომ სრულ მხარდაჭერას უცხადებს იმ ახალგაზრდებს, რომლებიც რამდენიმე დღეა პარლამენტის წინ დგანან და საკუთარ მოთხოვნებს აყენებენ. რულოვსი ამბობს, რომ პირველ რიგში უნდა გადადგეს შს მინისტრი გიორგი გახარია და ასევე დაინიშნოს ვადამდელი საპარლამენტო არეჩევნები.
„მოთხოვნებს მე შევუერთდები. ეს გახარიას გადადგომაა. ეს იმ ხალხის დასჯაა, ვისაც ზედმეტი მოუვიდა 20-21 ივნისს იმ ღამეს. ასევე არის ჩასატარებელი ვადამდელი საპარლამენტო არჩევნები პროპორციული სისტემით. ეს არის ძირითადი მოთხოვნები. ასევე პოლიტპატიმრები უნდა იყვნენ გათავისუფლებულები, ვინც ამ ბოლო დღეებში იყო დაკავებული. ეს აქციები შედეგს აუცილებლად გამოიღებს. ეს ხალხზეა დამოკიდებული. მე და მიხეილ სააკაშვილი ერთმანეთისგან დამოუკიდებლად ვმოქმედებთ. მე დღეს აქ ნიკუშასთან ერთად მოვედი. ჩვენ აქციაზე მოსვლა გვინდოდა. დღეს ქუთაისში ვიყავი მეუფე კალისტრატეს დაკრძალვაზე. დაჭრილები გუშინ მოვინახულე. გაოცებული ვარ, რა გააკეთეს და რა გამოიყენეს რეზინები და სხვა საშუალებები“, აღნიშნა სანდრა რულოვსმა.
