ევროსაბჭოს ადამიანის უფლებათა კომისარი დუნია მიატოვიჩი ეხმიანება თბილისში განვითარებულ მოვლენებს და ხელისუფლებას სწრაფი და ეფექტური გამოძიების ჩატარებისკენ მოუწოდებს.
"შეშფოთებით ვადევნებდი თვალყურს თბილისში, გვიან ღამით, პოლიციელებსა და დემონსტრანტებს შორის ძალადობრივ დაპირისპირებას, რომელიც მართლმადიდებლური საპარლამენტთაშორისო ასამბლეის ჩატარებას მოჰყვა.
ძალიან ვწუხვარ, რომ ათეულობით დემონსტრანტი, ჟურნალისტი და პოლიციელი დაშავდა, ზოგიერთი მათგანი მძიმედ. ვუსურვებ მათ სწრაფად გამოჯანმრთელებას.
მოვუწოდებ ყველა მხარეს თავშეკავებისა და ნებისმიერი დაპირისპირების დიალოგის გზით მოგვარებისკენ.
მოვწოდებ ასევე ხელისუფლებას სწრაფი და ეფექტური გამოძიება აწარმოოს განვითარებულ მოვლენებთან დაკავშირებით, რათა უზრუნველყოფილი იქნეს პასუხისმგებელი პირების დასჯა. მიეცეს პოლიციას მკაფიო ინსტრუქციები, რომ გარანტირებული იყოს ოპერაციების ადამიანის უფლებების დაცვით ჩატარება“, - წერს დუნია მიატოვიჩი.
