შრომის საერთაშორისო ორგანიზაციის 108-ე სესიაზე, საზოგადოებას გავაცანი 1920 წლის 17 დეკემბერს საქართველოს ხელისუფლების მიერ გაგზავნილი წერილი, დამოუკიდებელი საქართველოს საგარეო საქმეთა მინისტრის ევგენი გეგეჭკორის ხელმოწერით:
„ჟენევის ასამბლეის გადაწყვეტილებით, საქართველოს მთავრობამ, ერთა ლიგაში მონაწილეობა სწორედ იმ უფლებით მიიღო, როგორც ლიგის სხვა ქვეყნების მთავრობებმა. განსაკუთრებული სიტუაციის გათვალისწინებით, რომელშიც შრომის საერთაშორისო ბიურო იმყოფება, რომლის პრეზიდენტი თქვენ ბრძანდებით თქვენო აღმატებულებავ, აღნიშნული წერილით, პატივი მაქვს საქართველოს მთავრობის სახელით, მოგთხოვოთ საქართველოს აღნიშნულ ბიუროში სწრაფი გაწევრიანება“.
