თბილისში, გაგარინის მოედანზე, მგალობლიშვილისა და ონიაშვილის ქუჩის კვეთაზე ცენტრალური მაგისტრალური მილი დაზიანდა. GWP-მა აღდგენითი სამუშაოები უკვე დაიწყო. როგორც ადგილობრივი მოსახლეობა აცხადებს, ღამით აფეთქების ხმა გაიგეს, რასაც წყლის დიდი ნაკადის მოვარდნა მოყვა.
ზარალის დათვლა უკვე დაწყებულია. მაშველების მობილიზება ჟვანიას მოედანთან ახლოს დღეს გამთენიისას გახდა საჭირო.
დიდი რაოდენობით წყლის ნაკადი მოსახლეობას სარდაფებსა და პირველ სართულებზე შეუვარდა. დაზიანებულია სამი მანქანა - ორი მათგანი გზის საფარის ჩანგრევის გამო ორმოში აღმოჩნდა, კიდევ ერთი კი წყლის ნაკადმა საკმაოდ დიდ მანძილზე გადაიტანა.
„იყო ძლიერი აფეთქების ხმა, გადმოვიხედე და მოდიოდა დიდი რაოდენობის წყალი. ჩემი მანქანა სადაც იდგა მანქანა აღარ ჩანდა. მთლიანად დატბორილია პარკინგი, მანქანების გამოყვანა მოასწრეს პარკინგიდან,“-ამბობს დაზარალებული მამუკა ხუტაშვილი.
შემთხვევის ადგილზე 10 სამაშველო ჯგუფი მუშაობს.
