ხვალ ვბრუნდები სახლში, კიევში, - ამის შესახებ საქართველოს მესამე პრეზიდენტმა და ოდესის ყოფილმა გუბერნატორმა, მიხეილ სააკაშვილმა ფეისბუქზე დაწერა.
სააკაშილმა ფეისბუქზე კიევის მიმართულებით შეძენილი ბილეთი გამოაქვეყნა, რომლის მიხედით ის კიევში 17:15 საათზე იქნება
„მადლობა ყველა, ვინც მხარს მიჭერდა მთელი ამ ხნის განმავლობაშ. ხვალ ვბრუნდები სახლში, კიევში. რეისი #753, ავაიკომპანია LOT, რეისი ვარშავა-კიევი“, - წერს სააკაშვილი.
დღეს უკრაინის პრეზიდენტმა ვლადიმერ ზელენსკიმ მიხეილ სააკაშილს უკრაინის მოქალაქეობა აღუდგინა.
უკრაინის პრეზიდენტმა პეტრო პოროშენკომ საქართველოს მესამე პრეზიდენტს მოქალაქეობა 2015 წლის 29 მაისს, ოდესის გუბერნატორის პოსტზე მიხეილ სააკაშვილის დანიშვნამდე ერთი დღით ადრე მიანიჭა. სააკაშვილი გუბერნატორის თანამდებობიდან 2016 წლის ნოემბერში, პოროშენკოსთან ურთიერთობების გაუარესების გამო გადადგა, ოპოზიციაში გადავიდა და 2017 წლის დასაწყისში საკუთარი პოლიტიკური პარტია „ახალი ძალების მოძრაობა“ დააფუძნა. უმაღლესი რადას წევრმა და უკრაინის შინაგან საქმეთა მინისტრის მრჩეველმა, ანტონ გერაშენკომ 2017 წლის 27 ივლის განაცხადა, რომ მიხეილ სააკაშვილს, რომელიც საქართველოს მიერ რამდენიმე დანაშაულისათვის იძებნება, მოქალაქეობა „მოქალაქეობის შესახებ“ უკრაინის კანონის მე-19 და 21-ე მუხლების საფუძველზე შეუწყდა.
