28 მაისს, 14:00 საათზე, გლდანში, ქერჩის #4 სოციალური საწარმო "ანასტასიას" გახსნის ოფიციალური ცერემონია გაიმართება. 

პრეზენტაციას საქართველოს პრეზიდენტი სალომე ზურაბიშვილი, პოლონეთისა და ესტონეთის სრულუფლებიანი ელჩები, ადგილობრივი ხელისუფლებისა და დიპლომატიური კორპუსის წარმომადგენლები დაესწრებიან. 

ძალადობის მსხვერპლთა პირველი სოციალური საწარმო "ანასტასია" საქართველოში 2017 წელს ძალადობისაგან დაცვის ეროვნული ქსელის (ძდექ) ბაზაზე შეიქმნა.

"ანასტასია" ბერძნული სახელია და სიცოცხლეს დაბრუნებულს ნიშნავს. სოციალური საწარმოს მიზანი ძალადობის მსხვერპლი ქალების პროფესიული განათლება, ეკონომიკური გაძლიერება და მათი დამოუკიდებელი ცხოვრების ხელშეწყობაა. სწორედ ამ მიზნის ირგვლივ გაერთიანდნენ: პოლონეთის საელჩო საქართველოში, ესტონეთის საელჩო საქართველოში; საქართველოს პრეზიდენტის ფონდი; ქალთა ფონდი საქართველოში; ქალთა საერთაშორისო ასოციაცია - საქართველოში (iwa); ქალები ძალადობის წინააღმდეგ - ევროპა (wave); Kvinna till Kvinna; Sigrid Rasing-ის ფონდი; შპს "ტოიოტა", შპს „ბოლერო და კომპანია" და სს „თელასი" მხარდაჭერით შეიქმნა.

ბენეფიციარები კომპანიებსა თუ კერძო პირებს სთავაზობენ ღონისძიებების უზრუნველყოფას ლანჩითა და ყავა-ჩაის შესვენებით.