დღევანდელ დღეს ზეიმობს სრულიად საქართველო, ზეიმობს ცა და მიწა, განაცხადა მთაწმინდაზე "ქართული ოცნების" მაჟორიტარი დეპუტატობის კანდიდატმა, ლადო კახაძემ საქართველოს დამოუკიდებლობის დღესთან დაკავშირებით.
„დღევანდელ დღეს ზეიმობს სრულიად საქართველო, ზეიმობს ცა და მიწა, იმიტომ, რომ ქართველებს, რომლებსაც დაგვმშვენდა ჩვენი წინაპრების სახელის ტარება, რომლებსაც დიდი პატივი გვერგო წილად გაგვეგრძელებინა ცხოვრება იმ მიწაზე, რომელსაც საქართველო ჰქვია და რომელსაც ძალიან კარგი წინაპრები და შემოქმედნი ჰყავდნენ და ამაზე ნაკლები არ შეიძლება იყოს ქართველთა მომავალი. არათუ ნაკლები, არამედ მეტი უნდა შეიქმნას, თანამედროვე გამოწვევებში, თანამედროვე ცივილიზაციაში ქართველებმა ღირსეული ადგილი უნდა დაიმკვიდრონ და ამაში იმ ჩვენს წინაპრებს აქვთ დიდი წვლილი” , - განაცხადა კახაძემ.
