17 მაისს, 10:30 საათზე, სასტუმრო იოტაში გაიმართება USAID-ის პროექტ „მმართველობა განვითარებისთვის“(G4G) მიერ შემუშავებული ახალი საგანმანათლებლო ონლაინ პლატფორმის პრეზენტაცია. საგანმანათლებლო პლატფორმა მოიცავს ოთხ ონლაინ კურსს შემდეგი მიმართულებებით:

1. ექსპორტის მენეჯმენტის საფუძვლები
2. სახელმწიფო შესყიდვები მიმწოდებლებისთვის
3. „ფრილანსერობა“
4. IT პროექტების მართვა Scrum (Agile) მიდგომით

კურსი უფასოა მომხმარებლისთვის და მიზანად ისახავს როგორც ახალგაზრდა პროფესიონალების, ისე მცირე და საშუალო მეწარმეების ხელშეწყობას, რათა მათ კარიერული წინსვლისთვის და საქმიანობის ეფექტურად წარმართვისთვის საჭირო ცოდნა და უნარები განავითარონ. ონლაინ პლატფორმა შემუშავდა G4G-ის გრანტის ფარგლებში “მაინდვორქსის“ მიერ. კურსი ხელს შეუწყობს ინოვაციური, შიდა ბაზრის ზრდასა და ექსპორტზე ორიენტირებული პროდუქტების და სერვისების განვითარებას, ახლებური მიდგომების დანერგვასა და ახალგაზრდა პროფესიონალების მოტივაციას.

ღონისძიებაში მონაწილეობას მიიღებენ სახელმწიფო შესყიდვების სააგენტოს თავმჯდომარის მოადგილე, კახა დემეტრაშვილი და აწარმოე საქართველოს ხელმძღვანელის მოადგილე თორნიკე ზირაქიშვილი.