იუსტიციის სამინისტროს თანამშრომლები დღეს გურჯაანის რაიონის სოფელ ვაჩნაძიაანთში ჩავიდნენ და რთველში მიიღეს მონაწილეობა.
როგორც "ჯი-ეიჩ-ენს" სამინისტროდან აცნობეს, იუსტიციის სამინისტროს სხვადასხვა სამსახურების წარმომადგენლები მოსავლის აღებაში ერთ-ერთ გლეხს დაეხმარნენ და მისგან ყურძენიც შეიძინეს.
"ჩვენთვის მნიშვნელოვანია გლეხებს დავეხმაროთ, რათა მათ დროულად აიღონ მოსავალი. იუსტიციის სამინისტროს ყველა თანამშრომელი რთველში დღეს ენთუზიაზმით მონაწილეობს. გარდა იმისა, რომ გლეხებს შრომით ვეხმარებით, მათგან ყურძენიც შევიძინეთ. ამ ყურძნისგან დაწურულ ღვინოს ჩვენი თანამშრომლები საახალწლოდ მიიღებენ.," - განაცხადა იუსტიციის მინისტრიეს მოადგილემ გიორგი ვაშაძემ.
იუსტიციის სამინისტროს თანამშრომლები საკუთარი ხელფასებით წელს კახელი გლეხებისგან სულ 5 ტონა ყურძენს შეიძენენ.
