თბილისში, შესაძლოა დამატებით ახალი საამშენებლო კოეფიციენტი K4 დაწესდეს, - ამის შესახებ პარლამენტის გარემოს დაცვისა და ბუნებრივი რესურსების კომიტეტის მიერ გამოქვეყნებულ, თემატური მოკვლევის შედეგებშია ნათქვამია, რომელიც თბილისში ჰაერის მდგომარეობას ასახავს. კოეფიციენტი K4 შენობის გარე და გადახურვის ფართის საერთო ჯამის 25% იქნება.
თემატური მოკვლევის ერთერთი მომხსენებლის მოსაზრებით, აუცილებელია შენობანაგებობებისთვის ვერტიკალური და ჰორიზონტალური გამწვანების კოეფიციენტის K4ის შემოღება.
არასამთავრობო ორგანიზაცია „საქართველოს მწვანეთა მოძრაობა/დედამიწის მეგობრები“ აცხადებს, რომ ქალაქში გამწვანებისათვის საკმარისი მიწა არ არის, რაც კიდევ უფრო ამძიმებს ვითარებას.
„მდგომარეობას გამოასწორებს ვერტიკალური და ჰორიზონტალური გამწვანების სისტემის დანერგვა. ამისთვის მეტი მოთხოვნა უნდა დაწესდეს გამწვანებული ფართის არსებობაზე. დღეს ამ პრობლემის გადასაჭრელად მოქმედებს საამშენებლო კოეფიციენტი K3. დამატებით განისაზღვროს ახალი საამშენებლო კოეფიციენტი K4, რომელიც შენობის გარე და გადახურვის ფართის საერთო ჯამის 25% იქნება“, - წერია ანგარიშში.
გარემოს კომიტეტი რეკომენდაციით მიმართავს თბილისის მერიას, 3 თვის ვადაში წარმოადგინოს დადებითი ან დასაბუთებული უარყოფითი მოსაზრება შემოთავაზებულ K4 კოეფიციენტთან დაკავშირებით.
