გორში 6 თვის ბავშვი გარდაიცვალა. არსებული ინფორმაციით, დედამ ბავშვი დააძინა, რამდენიმე ხანში კი აღმოაჩინა, რომ ის აღარ სუნთქავდა. მას მანამდე ჯანმრთელობის პრობლემები არ ჰქონია.
სასწრაფო დახმარების ბრიგადამ გარდაცვალება დააფიქსირა. თუმცა, ოჯახის მოთხოვნით ჩვილი დედათა და ბავშვთა ცენტრ "იავნანაში" მაინც გადაიყვანეს.
მიზეზი ექსპერტიზამ უნდა დაადგინოს. ექსპერტიზის შედეგებამდე გამოძიება 116-ე მუხლითაა დაწყებული, რაც სიცოცხლის გაუფრთხილებლობით მოსპობას გულისხმობს.
