„ევროპული საქართველოს“ წევრის ელენე ხოშტარიას განცხადებით, მოსამართლე ლევან მურუსიძე „ ქართული ოცნების“ აქტივისტად ჩამოყალიბდა, რომელიც ოპონენტების წინააღმდეგ პოლიტიკურ კაპმანიაშია ჩართული.
„იმის პარალელურად, როდესაც „ქართული ოცნება“ პარლამენტში პირდაპირ ყველას აზრის საწინააღმდეგოდ კანონებს იღებს, რომლებიც მორგებულია სასამართლო სისტემაში კლანზე, მურუსიძე-ჩინჩალაძის კლანზე, ჩვენ ვხედავთ რამდენიმე კვირის განმავლობაში, გუშინ იყო დაგვირგვინება, გუშინდელი დებატი შავგულიძე-მურუსიძის, ვხედავთ სრულ ლუსტრაციას თუ რა ხდება ჩვენს მართლმსაჯულების სისტემაში. მურუსიძე ჩამოყალიბდა და ითქვა უკვე ღიად „ქართული ოცნების „ პოლიტიკურ აქტივისტად, რომელიც არის ჩართული პოლიტიკურ კამპანიაში ოპონენტების წინააღმდეგ და ამითი ჩანს ძალიან მარტივად, თუ რა დამოკიდებულება აქვს „ ქართულ ოცნებას“ ზოგადად სასამართლოს და მოსამართლეების მიმართ, რომ ისინი მათ სჭირდებათ პოლიტიკურ აქტივისტებად,“- განაცხადა ხოშტარიამ.
