საერთაშორისო ენერგეტიკული სააგენტო მზადაა საჭიროების შემთხვევაში იმოქმედოს, რათა უზრუნველყოს ბაზარი საკმარისი ნავთობით, იქიდან გამომდინარე თუ რა ზეგავლენას მოახდენს ერთის მხრივ ირანის მიმართ დაწესებული სანქციები და ოპეკი + - ის შეთანხმება ნავთობის მოპოვების კვოტების შემცირებასთან დაკავშირებით. ამის შესახებ განაცხადეს ორგანიზაციაში.
ასევე აღნიშნეს, რომ ირანიდან აპრილის თვეში შემცირდა მარტის თვესთან შედარებით ნავთობის ექსპორტი 300 ათასი ბარელით დღე/ღამეში 1,1 მლნ ბარელამდე დღე/ღამეში.
რაც შეეხება ოპეკის ყველაზე მსხვილ მწარმოებელ ქვეყანას - საუდის არაბეთს მარტის თვეში ყოველდღიური მოპოვება შემცირდა 9,8 მლნ ბარელამდე დღე/ღამეში, რომელიც 1 მილიონით უფრო ნაკლებია ვიდრე 2018 წლის ნოემბრის თვესთან შედარებით.
საერთაშორისო ენერგეტიკული სააგენტო აგრძელებს ნავთობის ბაზრის მონიტორინგს და კონსულტაციებს ოპეკის წევრ ქვეყნებთან, მსხვილ მწარმოებლებთან და ასევე მომხმარებლებთან ურთიერთობას.
