შემიძლია დაგიდასტუროთ რომ პრემიერის გადაწყვეტილებით, ეკონმიკისა და მდგრადი განვითარების მინისტრი გიორგი ქობულია თანამდებობიდან გადადგა და მისი ადგილი დაიკავა ქალბატონმა ნათელა თურნავამ, - ამის შესახებ საქართველოს მთავრობის ადმინისტრაციის უფროსმა, კახა კახიშვილმა განაცხადა.
„მე შემიძლია დაგიდასტუროთ, რომ დღეს საქართველოს პრემიერ-მინისტრის გადაწყვეტილებით, საქართველოს ეკონომიკისა და მდგრადი განვითარების მინისტრი ბატონი გიორგი ქობულია გადადგა დაკავებული თანამდებობიდან და ამ თანამდებობაზე დაინიშნა ქალბატონი ნათია თურნავა. გადაწყვეტილების მიღება მოხდა კონსულტაციის შედეგად, როგორც ბატონ გიორგი ქობულიასთან, ისე რა თქმა უნდა, დანიშვნის დროს ქალბატონ ნათია თურნავასთან. ამავდროულად უმრავლესობის ლიდერებთან ასე მოხდა გადაწყვეტილების მიღება. სხვა განმარტებებს ამ საკითხთან დაკავშირებით გააკეთებს მთავრობის სხდომამდე საქართველოს პრემიერ-მინისტრი“, - თქვა კახიშვილმა.
