საქართველო ევროსაბჭოს 500 ათასი ევროთი დაეხმარება, - განაცხადა საქართველოს პრემიერ-მინისტრმა მამუკა ბახტაძემ სტრასბურგში ევროსაბჭოს საპარლამენტო ასამბლეაში სიტყვით გამოსვლისას.
"საქართველო ბოლო 20 წელია სარგებელს იღებს ორგანიზაციის სხვადასხვა უწყების დახმარებით და მადლიერების ნიშნად საქართველოს მთავრობამ გადაწყვიტა ნებაყოფლობითი შენატანი გააკეთოს ევროსაბჭოს ხაზინაში 500 000 ევროს ოდენობით.რაც შეეხება რუსეთის საწევროს გადაუხდელობის საკითხს, მტკიცედ გვწამს, რომ წევრ სახელმწიფოებს არ უნდა შეეძლოთ ევროსაბჭოს სტანდარტების დაწევის ან საერთო ღირებულებების დაკნინების შესაძლებლობა იმისათვის, რომ დაძლეული იქნეს გამოწვევები, მათ შორის ფინანსური კრიზისი. საქართველო მხარს უჭერს არსებული ფინანსური სირთულეების გადაჭრისკენ მიმართულ ძალისხმევას, თუმცა საქართველოს პოზიცია უცვლელია რუსეთის მიერ საწევროს გადაუხდელობასთან დაკავშირებით - ეს არ უნდა გახდეს საპარლამენტო ასამბლეის პროცედურული წესების ან ევროსაბჭოს წესდების ცვლილების გამომწვევი ფაქტორი ან პირობა", -განაცხადა ბახტაძემ.
ევროსაბჭოს ბიუჯეტი სერიოზული გამოწვევები წინაშე მას შემდეგ დადგა, რაც რუსეთი საწევრო გადასახადს აღარ იხდის, რომელიც ევროსაბჭოს ბიუჯეტის 7 პროცენტს შეადგენდა. რუსეთმა 2019 წლის იანვარში ევროსაბჭოს საპარლამენტო ასამბლეის მუშაობაში უარი თქვა.
