"თიბისი ბანკი“, ისევე როგორც ქვეყნის მთლიანი საფინანსო სისტემა, არის ჩვენს რეგიონში ერთ-ერთი ყველაზე კარგად განვითარებული და სტაბილური, აცხადებს სებ-ის პრეზიდენტი კობა გვენეტაძე, რომელიც ასევე დასძენს, რომ ყოველივე ამაში მნიშვნელოვანი წვლილი სწორედაც სებ-ის სტანდარტების შესაბამისი რეგულაციების გატარებასაც აქვს.
„შეგიძლიათ გადახედოთ ჩვენს პირველ განცხადებებს „თიბისი ბანკთან“ დაკავშირებით. სწორედ იმიტომ, რომ არ გვინდოდა, ბანკს რაიმე ზიანი მიდგომოდა, საკუთარი რეპუტაციის შელახვის რისკის ფასად ვცდილობდით, არ გვესაუბრა დეტალებზე. ასეც იყო, ვიდრე ეროვნული ბანკის მიმართ წამოსული თავდასხმები თავად არ გახდა რისკის შემცველი საფინანსო სისტემისთვის. გარდა ამისა, ჩვენ ვართ ძალიან ღია და გამჭვირვალე. ჩვენს ვებგვერდზე არსებობს ინფორმაცია, სადაც არის ყველა დეტალი, ბანკთან ერთად გავრცელებული ერთობლივი განცხადებით „თიბისიმ“ ყველა სარჩელი გამოიტანა სასამართლოდან. „თიბისი ბანკის“ შემთხვევაში ამ ტრანზაქციასთან დაკავშირებული საკითხი ჩვენი მხრიდანაც არის ამოწურული“, – განაცხადა გვენეტაძემ.
