აჭარის ფინანსთა და ეკონომიკის მინისტრმა ჯაბა ფუტკარაძემ გერმანიის საერთაშორისო თანამშრომლობის საზოგადოების (GIZ) წარმომადგენელთან შეხვედრა გამართა.
მინისტრმა უცხოელ პარტნიორებს, სხვადასხვა მიმართულებით აქამდე არსებული მჭიდრო თანამშრომლობისთვის, მადლობა გადაუხადა.
შეხვედრაზე ჯაბა ფუტკარაძე სტუმრებს აჭარაში არსებულ ეკონომიკურ პროცესებზე ესაუბრა. საუბარი ასევე საინვესტიციო პროცესებს და ამ კუთხით დაგეგმილ პროექტებს შეეხო.
GIZ-ის წარმომადგენლებმა ურბანული მიმართულებით ორმხრივი თანამშრომლობის ინტერესი გამოთქვეს.
შეხვედრას აჭარის ფინანსთა და ეკონომიკის მინისტრის მოადგილეები თორნიკე კუჭავა და თინა ზოიძე, სივრცითი მოწყობისა და ტექნიკური ზედამხედველობის დეპარტამენტის უფროსი ნუგზარ ძნელაძე, აჭარის ტურიზმის დეპარტამენტის უფროსის მოადგილე თამარ კაიკაციშვილი,GIZ-ის პროექტის მენეჯერი მარტინა კოლბი, GIZ-ის სატრანსპორტო პოლიტიკის მრჩეველი ჟან რიკმეიერი და დამოუკიდებელი ექსპერტი ფრიც კიოლინგი ესწრებოდნენ.
ბათუმში, GIZ-ის ხელშეწყობით, საქართველოს სავაჭრო-სამრეწველო პალატის საინფორმაციო ცენტრი ფუნქციონირებს.
დღეისათვის საქართველო გერმანიასთან სავაჭრო-ეკონომიკური მიმართულებით, კულტურის, განათლებისა და მეცნიერების სფეროებში წარმატებით თანამშრომლობს.