სალომე ზურაბიშვილი მწუხარებას გამოთქვამს სამშენებლო სამუშაოების დროს მშენებლობაზე დასაქმებული ორი მოქალაქის დაღუპვის გამო და უსამძიმრებს მათ ოჯახებს. განაცხადა პრეზიდენტის პრესპიკერმა ხატია მოისწრაფიშვილმა პრეზიდენტის სასახლეში გამართულ ბირიფნგზე.
მისი თქმით, სალომე ზურაბიშილი შეშფოთებას გამოთქვამს საქმის წარმოებისას უსაფრთხოების ნორმებისა და სტანდარტების დარღვევის გამო, რასაც ორი ახალგაზრდის სიცოცხლე ემსხვერპლა.
„პრეზიდენტი მიიჩნევს, რომ ევროპაში ინტეგრაცია არამხოლოდ რომელიმე ევროპულ სტრუქტურაში გაწევრიანება, არამედ, პირველ რიგში, ეს არის ევროპული სტანდარტების, მათ შორის უსაფრთოხების ევროპული სტანდარტების დანერგვა“, - თქვა მოისწრაფიშვილმა.
მისივე თქმით, შესაბამისი სტანდარტების უზრუნველყოფა ზოგადად და რა თქმა უნდა როგორც დასაქმების სფეროში, ასევე შრომით ურთიერთობებისას მშენებლობის სფეროში პირველი რიგის პრობლემაა და ის აუცილებლად უნდა გადაიჭრას.