27 მარტს, სასტუმრო „რუმს თბილისში“ - USAID-ის პროექტი „მმართველობა განვითარებისათვის” (G4G) საქართველოში, „მეწარმე ქალთა საბჭოსთან” (WBCG) ერთად, გამართავს რიგით მე-5 ყოველწლიურ კონფერენციას სახელწოდებით „ქალის როლი ეკონომიკის ზრდასა და რეფორმების შემუშავებაში“. ღონისძიება ტარდება თბილისის მერიის, საქართველოს ბანკის და ევროპის განვითარების და რეკონსტრუქციის ბანკის მხარდაჭერით.
კონფრენციის სტუმრებს მისასალმებელი სიტყვით მიმართავენ: ამერიკის შეერთებული შტატების ელჩის მოადგილე ელიზაბეთ რუდი, საქართველოს ვიცე-პრემიერი, რეგიონული განვითარებისა და ინფრასტრუქტურის მინისტრი, მაია ცქიტიშვილი და სხვა ოფიციალური პირები.
კონფერენციაში მონაწილეობას იღებენ წარმატებული ქალბატონები როგორც კერძო და საჯარო სექტორებიდან, ისე არასამთავრობო და საერთაშორისო ორგანიზაციებიდან. ისინი დამსწრე საზოგადოებას გაუზიარებენ საკუთარ გამოცდილებას. მათი მაგალითი, თუ როგორ მიაღწიეს წარმატებას, სტიმულის და შთაგონების მიმცემი იქნება ყველა მონაწილისათვის.
ღონისძიებაზე დაჯილდოვდებიან წლის ლიდერი ქალები ბიზნესში, მთავრობასა და არასამთავრობო სექტორში.
