დრო მოვიდა იმისათვის, რომ დავასრულოთ ჩვენი საზღვრის დელიმიტაცია, - განაცხადა საქართველოს პრეზიდენტმა სალომე ზურაბიშვილმა, ერევანში სომხეთის პრეზხიდეტთან სხვედრის შემდეგ გამართულ ერთობლივ პრესკონფერენციაზე.
„მეზობელ ქვეყნებს შორის არ შეიძლება ეს პროცესი ასე უსასრულოდ გრძელდებოდეს და შევთანხმდით იმაზე, რომ მივცეთ ახალი იმპულსი კომისიას და დავუბრუნდეთ იმ შეთანხმებას, რომელიც პრაქტიკულად მიღწეული იყო წარსულში, როდესაც მე ვიყავი საგარეო საქმეთა მინისტრი და პრაქტიკულად მიღწეული იყო შეთანხმების ნორმატიული ბაზა; უნდა ვიმუშაოთ ამ მიმართულებით და უნდა დავასრულოთ“, - განაცხადა ზურაბიშვილმა.
საქართველოს პრეზიდენტმა არმენ სარგსიანი საქართველოში ვიზიტით მოიწვია და ასევე, ბათუმში დაგეგმილ კონფერენციაზე დაპატიჟა, რომელიც ,,აღმოსავლეთ პარტნიორობის" 10 წლისთავს ეძღვნება.