12 მარტს, 17:00 საათზე კლუბ KHIDI-ის თანამედროვე ხელოვნების სივრცეში მულტიდისციპლინური საგამოფენო პროექტის „მდგომარეობებს შორის“პრეზენტაცია შედგება.
მულტიდისციპლინური საგამოფენო პროექტი „მდგომარეობებს შორის“ კლუბ KHIDI-ის თანამედროვე ხელოვნების სივრცეში 2018 წლის 7 დეკემბერს გაიხსნა. გამოფენამ 18 ნამუშევარი გააერთიანა და ახალი მედიებისა და ტრანსდისციპლინური პრაქტიკის კვლევის საშუალებით შეეცადა ჩაღრმავებოდა იმ სახელოვნებო ტენდენციებსა და დინებებს, რომელთა კონტექსტუალიზაცია საქართველოში ჯერ არ მომხდარა ან ყურადღების მიღმაა დარჩენილი.
გამოფენამ სამი თვის განმავლობაში უმასპინძლა 5 000-მდე ვიზიტორს, მათ შორის: სტუდენტთა ჯგუფებს სახელოვნებო უნივერსიტეტებიდან, თანამედროვე ხელოვნების სფეროში მოღვაწე ქართველ და საერთაშორისო კურატორებს, ხელოვნებათმცდონეებს, არტისტებისა და ინსტიტუციების დელეგაციებს და იქცა ბოლოს წლების განმავლობაში ერთ-ერთ ყველაზე მასშტაბურ საგამოფენო პროექტად.
გამოფენა ექსპოზიციის სახით 12 მარტს იხურება, თუმცა „მდგომარეობებს შორის“ პლატფორმის სახით აგრძელებს მუშაობას სხვადასხვა კვლევით და საგამოფენო პროექტებეზე. ასევე დაგეგმილია გამოფენის კატალოგის პრეზენტაცია.
გამოფენაზე წარმოდგენილი იქნება ავტორები:
გიო სუმბაძე, გიორგი მაღრაძე, დეთუ ჯინჭარაძე და მარიამ ნატროშვილი, ვასილ მაჭარაძე და კოკა ვაშაკიძე, ვატო წერეთელი, სანდრო ასათიანი და ზურა ჯიშკარიანი, თამარ გურგენიძე, თორნიკე ქარჩხა, ჯასპერ ფუნგი, ლადო ლომიტაშვილი, ლადო ონიანი, მამუკა ჯაფარიძე, მანუჩარ ოქროსცვარიძე, ნიკა მაჩაიძე, ნიკოლოზ კაპანაძე, სანდრო სულაბერიძე, ტილდა ჯორჯი, InChina
