ახლა არ ვაპირებ პარლამენტში შესვლას და მთაწმინდაზე კენჭისყრას, – ამის შესახებ პარტია „ქართული ოცნების“ პოლიტიკურმა მდივანმა, ირაკლი ღარიბაშვილმა „ტვ პირველის“ ეთერში განაცხადა.
„არ შეესაბამება სიმართლეს გავრცელებული ინფორმაცია, მე არ ვაპირებ ახლა პარლამენტში შესვლას, მთაწმინდაზე არ ვაპირებ კენჭისყრას. მე პარტიაში იმიტომ მოვედი, რომ პარტიაში გარკვეული როლი შევასრულო და წვლილი შევიტანო ამ პარტიის გაძლიერებაში, ეს არის ჩემი მთავარი ამოცანა. რეალურად, საბოლოო ჯამში მე მინდა ვთქვა რომ, რაც არის ჩვენი მთავარი მოტივატორი, ჩემთვის პირადად ამ შემთხვევაში, არის ის რომ, ამით იქნება ეს პარტია თუ სხვა თანამდებობა, გეძლევა საშუალება, რომ კარგი საქმე გავაკეთო. ეს არის ჩვენი მთავარი ამოცანა. ჩვენი პარტია იძლევა შესაძლებლობას, რომ კარი გავუხსნათ, მათ შორის, ახალ წევრებს, ახალგაზრდებს, ნიჭიერ ახალგაზრდებს და მოხდეს ამ ყველაფრისთვის, ახალი ენერგიის მიცემა“, – განაცხადა ირაკლი ღარიბაშვილმა