"ჩვენ მოვთხოვეთ მას ღარიბაშვილის გაშვება," - ეს განცხადება საქართველოს რესპუბლიკური პარტიის ეროვნული კომიტეტის წევრმა, დავით ბერძენიშვილმა, ირაკლი ღარიბაშვილის პოლიტიკაში დაბრუნების შესახებ საუბრისას გააკეთა.
საქართველოს რესპუბლიკური პარტიის ეროვნული კომიტეტის წევრი, დავით ბერძენიშვილი, აცხადებს, რომ 2015 წელს მათი პირდაპირი მოთხოვნა იყო ბიძინა ივანიშვილის მიმართ, რომ ირაკლი ღარიბაშვილი თანამდებობიდან გადაეყენებინა.
„2015 წელს რესპუბლიკელებმა პირობა დავუყენეთ ბიძინა ივანიშვილს, არავინ ეს არ იცოდა, რესპუბლიკელების და ივანიშვილის გარდა, არც მის პარტიაში არავინ არ იცოდა, ჩვენ მოვთხოვეთ მას ღარიბაშვილის გაშვება. ივანიშვილი მაშინ არ იყო მზად რესპუბლიკელებთან მკვეთრი დაპირისპირებისთვის და ის დასთანხმდა ამას და შეირჩა კვირიკაშვილი,“ - განაცხადა დავით ბერძენიშვილმა.
