ანაკლიის ღრმაწყლოვანი პორტი არის ძალიან მნიშვნელოვანი პროექტი, - განაცხადა მედიასთან აშშ-ის ელჩის მოადგილემ, ელიზაბეთ რუდმა ქუთაისში სკოლის სარეაბილიტაციო პროექტის გახსნაზე.
„ანაკლიის ღრმაწყლოვანი პორტი არის ძალიან მნიშვნელოვანი პროექტი. ვიცი, რომ კონსორციუმი ინვესტორებთან ერთად გულდასმით მუშაობს ამ საკითხზე. რა თქმა უნდა, ჩვენ ოპტიმისტურად ვართ განწყობილნი, რომ პროექტი განხორციელდება“, - განაცხადა ელჩის მოადგილემ და აღნიშნა, რომ ეს პროექტი ძალიან მნიშვნელოვანია ამერიკის შეერთებული შტატებისთვის, რადგან მასში ამერიკული კომპანიები მონაწილეობენ.
