იუსტიციის უმაღლესი საბჭოს არამოსამარლე წევრი ნაზი ჯანეზაშვილი ამბობს, რომ უზენაესი სასამართლოს დაკომპლექტების ახალი წესი, რომელიც სამუშაო ჯგუფში პარლამენტის თავმჯდომარემ წარადგინა, არ ემსახურება მართლმსაჯულების ინტერესებს და მისი მიზანი მხოლოდ კლანური მმართველობის შეფუთვაა.
„მაშინ, როდესაც, სამუშაო ჯგუფი გამოიყენება იმისათვის, რომ უბრალოდ, შელამაზებული პროცედურები მივიღოთ და შევქმნათ ილუზია იმისა, რომ თითქოს ახალი მოსამართლეების შედინებას უწყობს ვინმე ხელს, ბუნებრივია, ჩემთვის არს მიუღებელი. ის ბოლო ვერსია, რომელიც შემოგვთავაზეს, სამუშაო ჯგუფის ბოლო შეხვედრაზე, ვერ უზრუნველყოფს ღირსეული კადრების შედინებას სასამართლო სისტემაში გარედან, რადგან ისეთი კრიტერიუმებია შემოთავაზებული, რომ პირიქით, კეტავს, ასე ვთქვათ, სისტემას და ავიწროებს მოსამართლეთა წრეს, რომელიც შეიძლება გახდეს უზენაესი სასამართლოს მოსამართლის კანდიდატურა“, - აცხადებს ჯანეზაშვილი.
