არჩეული თანამდებობის პირების შესაძლებლობები ივანიშვილის არაფორმალური გავლენით იზღუდება, - ამის შესახებ ნათქვამია Freedom House-ის „მსოფლიოში თავისუფლება - 2019“-ის დეტალურ ანგარიშში.
„არჩეული თანამდებობის პირების შესაძლებლობები, რომლებიც განსაზღვრავენ და ახორციელებენ მთავრობის მიერ არჩეულ პოლიტიკას, ივანიშვილის არაფორმალური გავლენით იზღუდება, რომელსაც არ უჭირავს რაიმე კონკრეტული აღმასრულებელი თანამდებობა. მიუხედავად ამისა, ის ახდენს მნიშვნელოვან გავლენას აღმასრულებელი და საკანონმდებლო გადაწყვეტილებების მიღებაზე. მისი დე-ფაქტო მმართველობა თვალნათლივ დადასტურდა 2018 წლის ივნისში, როდესაც პრემიერ-მინისტრი კვირიკაშვილი თანამდებობიდან ივანიშვილთან ეკონომიკური პოლიტიკის უთანხმოების გამო გადადგა“, - ნათქვამია ანგარიშში.
