’’ ევროპული საქართველოს’’ წევრმა, ირაკლი აბესაძემ სახელმწიფო მსხვილი ინფრასტრუქტურული პროექტების განხირციელებაზე საუბრისას რიკოთის გვირაბის პროექტზე ისაუბრა და აღნიშნა რომ მთავრობამ კონტრაქტორ კომპანოებს ორჯერ მეტი თანხა გადაურიცხა ვიდრე ეს ბიუჯეტით იყო გათვალისწინებული.
"ე.წ. რიკოთის მონაკვეთზე სახელმწიფო მნიშვნელოვანი ჩამორჩენით ახორციელებს სამუშაოებს. თუ 2017 წელს მთავრობა გვეუბნებიდა რომ სამუშაოები დასრულდებოდა 2020 წელს, 2019 წელს ეს სამუშაოები გადაწეულია 2022 წლამდე. თუმცა თუკი შევხედავთ იმ შესრულებას რომელიც ბიუჯეტშია, ნახავთ რომ არც 2022 წელს დამთავრდება სამუშაოები. როგორც ყოველთვის "ოცნების" პირობებში მსხვილი პროექტების განხორციელებას თან სდევს მსხვილი კორუფციული გარიგებები
სწორედ რიკოთოს მონაკვეთზე მთავრობამ 2018 წლის ბოუჯეტით დაგეგმა რომ შესრულდებოდა დაახლოებით 200 მილიონი ლარის სამუშაოები. იმავე სახელმწიფომ 2018 წელს ორ შემსრულებელ კომპანიას ავანსის სახით შესასრულებელ სამუშაოებზე ორჯერ მეტი თანხა 390 მილიონი ლარი მისცა. ხელისუფლების ეს ქმედება აჩვენებს სუსტ მენეჯმენტს და სახელმწიფოს მსხვილ კორუფციულ მადას. აბესაძის თქმით გამოსარკვევია ვინ დგას ამ ჩინური კომპანიების უკან. ეს პირდაპირ ნიშნავს სახელმწ8ფო ბიუჯეტის ხარჯზე ამ კომპანიებისთვის მსხვილი ფინანსური მოგების მიღების შანსს", - განაცხადა ირაკლი აბესაძემ.
