ოკუპირებულ ცხინვალის რეგიონში, რუსი სამხედროების მიერ დაკავებული მღვდელი, მამა დავით დურგლიშვილი გაათავისუფლეს.
შეგახსენებთ, რომ გუშინ, 4 თებერვალს, რუსმა სამხედროებმა, სოფელ ნიქოზში, საოკუპაციო ხაზთან სასულიერო პირი, მამა დავით დურგლიშვილი დააკავეს. მამა დავით დურგლიშვილი რუსმა სამხედროებმა საღამოს საკუთარი მინდვრიდან წაიყვანეს, რომელიც საოკუპაციო ხაზთან მდებარეობს.
მამა დავითი თანმხლებ პირებთან ერთად გამყოფი ხაზის პერიმეტრზე მდებარე მიწის ნაკვეთზე სასოფლო-სამეურნეო სამუშაოებს ასრულებდა, რა დროსაც შეიარაღებული ფორმიანები გამოჩნდნენ და სასულიერო პირი დააკავეს. მასთან ერთად მყოფმა სხვა პირებმა გაქცევა შეძლეს.