საქართველოს საგანგებო და სრულუფლებიანი ელჩი რევაზ გაჩეჩილაძე სლოვაკეთის საგარეო და ევროპულ საქმეთა სახელმწიფო მდივანს ფრანტიშეკ რუჟიჩკას შეხვდა.
მხარეებმა ისაუბრეს ორ ქვეყანას შორის არსებულ მეგობრულ ურთიერთობებზე და განიხილეს ორმხრივი და მრავალმხრივი თანამშრომლობის საკითხები. ყურადღება გამახვილდა ურთიერთობების გარღმავების პერსპექტივებზე.
ასევე, განხილულ იქნა საქართველოს ევროპული და ევროატლანტიკური ინტეგრაციის აქტუალური საკითხები და ამ მიმართულებით, საქართველოს მიერ მიღწეული პროგრესი.
განსაკუთრებული ყურადღება დაეთმო გაერო-ს სურსათისა და სოფლის მეურნეობის ორგანიზაციის (FAO) გენერალური დირექტორის თანამდებობაზე საქართველოს მთავრობის მიერ წარდგენილი კანდიდატის დავით კირვალიძის მხარდაჭერის საკითხს.
გარდა ამისა შეხვედრაზე მხარეებმა განიხილეს 2019 წლის 10-11 თებერვალს საქართველოში სლოვაკეთის საგარეო და ევროპულ საქმეთა მინისტრის მიროსლავ ლაიჩაკის ვიზიტთან დაკავშირებული საკითხები.
