1-ელ თებერვალს, საქართველოში ევროკავშირის ელჩი კარლ ჰარცელი ბორჯომს ესტუმრება, საიდანაც იგი გაემგზავრება პროექტ „EU4Energy“-ს ფარგლებში უმაღლეს დონეზე გასატარებელი პოლიტიკის შესახებ მოლაპარაკებების გახსნით სესიაზე. შემდეგ, ელჩი ჰარცელი ადგილობრივი სამოქალაქო საზოგადოების ორგანიზაციებს შეხვდება სამცხე-ჯავახეთში, არსებული გამოწვევებისა და პრობლემების გასაცნობად. დღის მეორე ნახევარი დაეთმობა ევროკავშირის მხარდაჭერის შედეგების განხილვას სოფლის განვითარების სფეროში.
ელჩი მონაწილეობას მიიღებს EU4Energy მაღალი დონის პოლიტიკური მოლაპარაკებების გახსნით სესიაზე. ორდღიანი ღონისძიება მიზნად ისახავს შესაძლებლობების გაზრდას საქართველოს პარლამენტის წევრებისთვის, რომლებიც აქტიურად არიან ჩართულნი საქართველოში ელექტროენერგიის, ენერგოეფექტურობისა და განახლებადი ენერგიის ინსტიტუციონალური ჩარჩოს გაუმჯობესებაში.
შეხვედრაზე დამსწრე ორგანიზაციები წარმოადგენენ სამცხე-ჯავახეთის სხვადასხვა მუნიციპალიტეტს და წარმოადგენენ სხვადასხვა სფეროებს, როგორიცაა ეთნიკური უმცირესობების ინტეგრაცია, უმუშევრობა და გენდერული თანასწორობა.
ელჩი ჰარცელი ბორჯომში ადგილობრივ სამოქმედო ჯგუფს შეხვდება, სამცხე-ჯავახეთში ევროკავშირის მხარდაჭერით განხორციელებული სოფლის განვითარების ინიციატივების განსახილველად. შემდეგ, ის ეწვევა ამ ორ ინიციატივის ფარგლებში ახლახანს მოდერნიზებულ კვერცხის ქარხანას "ბორჯომის კვერცხი" და თხილამურების გამქირავებელ მაღაზიას ბაკურიანში.
